8 more Corona patients die in country, 7,481 certified victims 109

ملک میں کورونا کے مزید 8 مریض جاں بحق،7481 مصدقہ متاثرین

لاہور / اسلام آباد / کراچی: ملک بھر میں مزید 465 افراد میں کورونا وائرس کی تشخیص ہوئی ہے جس کے بعد تصدیق شدہ کیسز کی تعداد 7481 تک پہنچ گئی ہے جب کہ جاں بحق افراد کی تعداد 143 ہوگئی ہے۔

دنیا بھر کی طرح پاکستان میں بھی کورونا کے وار جاری ہیں، نیشنل کمانڈ اینڈ آپریشن سینٹر کی جانب سے جاری اعداد و شمار کے مطابق گزشتہ 24 گھنٹوں کے دوران 465 نئے کیسز رپورٹ ہوئے ہیں جس کے بعد ملک بھر میں کورونا کے مصدقہ مریضوں کی تعداد 7481 ہوگئی ہے۔

اعداد و شمار کے مطابق پنجاب میں کورونا وائرس کے سب سے زیادہ 3391 کیسز رپورٹ ہوئے ہیں۔ سندھ میں 2217 ، خیبر پختونخوا 1077، بلوچستان 335، گلگت بلتستان میں 250 ، اسلام آباد 163اور آزاد کشمیر میں 48 کیسز رپورٹ ہوئے ہیں۔

اس خبر پر اپنی رائے کا اظہار کریں

اپنا تبصرہ بھیجیں