پاکستان اور بنگلادیش کے درمیان واحد ون ڈے یکم اپریل کو ہوگا 62

پاکستان اور بنگلادیش کے درمیان واحد ون ڈے یکم اپریل کو ہوگا

لاہور: پاکستان اور بنگلادیش کے درمیان واحد ایک روزہ میچ کا شیڈول تبدیل کردیا گیا ہے، نئے پروگرام کے مطابق 3 اپریل کو شیڈول میچ اب یکم اپریل کو نیشنل اسٹیڈیم کراچی میں ہی منعقد ہوگا جبکہ سیریز کا دوسرا ٹیسٹ حسب سابق 5 سے 9 اپریل تک شیڈول ہے۔

بی سی بی کا کہنا تھا کہ وہ اپنے کھلاڑیوں کو کراچی کی کنڈیشنز سے ہم آہنگ ہونے کا موقع فراہم کرنے کیلیے ٹیسٹ میچ سے قبل پریکٹس کیلیے کچھ روز مزید دینا چاہتے تھے، مہمان ٹیم اب 29 مارچ کو بنگلادیش سے کراچی پہنچے گی، آئی سی سی ون ڈے رینکنگ میں پاکستان چھٹے اور بنگلادیش ساتویں نمبر پر براجمان ہے، دونوں ٹیموں کے درمیان 12 پوائنٹس کا فرق ہے۔

ڈائریکٹر انٹرنیشنل کرکٹ پی سی بی ذاکر خان کا کہنا ہے کہ پاکستان کرکٹ بورڈ مہمانوں کے ساتھ تعاون کے لیے ہمہ وقت تیار رہتا ہے، لہذا پی سی بی اب زیادہ عرصے کے لیے بنگلادیش کرکٹ ٹیم کی کراچی میں میزبانی کرے گا۔

اس خبر پر اپنی رائے کا اظہار کریں

اپنا تبصرہ بھیجیں