موبائل فون کی فروخت بڑھانے کیلئے دکاندار کی ایک پیاز کی پیشکش پیاز کی اسکیم نے دوکان پر خریداروں کی رش لگا دیا ، دوکاندار خوشی سے نہال 205

موبائل فون کی فروخت بڑھانے کیلئے دکاندار کی ایک پیاز کی پیشکش پیاز کی اسکیم نے دوکان پر خریداروں کی رش لگا دیا ، دوکاندار خوشی سے نہال

بھارتی ریاست تامل ناڈو میں موبائل فون کی دکان کے مالک نے فروخت میں اضافہ کرنے کے لیے صارفین کو ایک کلو پیاز کی پیشکش کردی۔تفصیلات کے مطابق بھارت میں بارشوں کے باعث پیاز کی فصل تباہ ہونے سے قیمتوں میں ہوشربا اضافہ ہو گیا ہے اور مختلف ریاستوں میں پیاز 70 سے 100 روپے کلو تک فروخت کی جا رہی ہے۔اسی صورتحال کو مدِنظر رکھتے ہوئے ریاست تامل ناڈو میں موبائل فون کی دکان کے مالک نے فروخت میں اضافہ کرنے کے لیے مارکیٹنگ کا نیا انداز اپنایا۔ایس ٹی آر موبائلز نامی اسٹور نے صارفین کو

ایک موبائل فون خریدنے پر ایک کلو مفت پیاز کی پیشکش کی ہے۔بھارتی میڈیا کے مطابق دکان کے مالک نے بتایا کہ بھارت میں پیاز کی بڑھتی ہوئی قیمتوں کو مدِنظر رکھتے ہوئے ہم نے سوچا کہ موبائل فون خریدنے والے کو ایک کلو مفت پیاز دینے سے ہماری دکان مقبول ہوجائے گی۔انہوں نے بتایا کہ اس اسکیم کو ایک ہفتہ قبل متعارف کرایا تھا اور ایسا کرنے سے واقعی ان کی دکان کی فروخت میں اضافہ بھی ہوا۔انہوںنے کہاکہ یہ اسکیم صارفین کو پْر کشش لگی جس کی وجہ سے ان کی دکان پر پہلے سے زیادہ خریدار آنا شروع ہوگئے۔دکان کے مالک نے بتایا کہ میں پہلے ایک دن میں 3 سے 4 موبائل فون فروخت کیا کرتا تھا تاہم جب سے اس اسکیم کا اعلان کیا اس کے بعد سے میرے ایک دن میں 10 فون فروخت ہونا شروع ہوگئے۔ایک صارف کا کہنا تھا کہ ہم اس دکان سے اپنی پسند کی چھوٹی یا بڑی پیاز مفت میں حاصل کرتے ہیں۔

اس خبر پر اپنی رائے کا اظہار کریں

اپنا تبصرہ بھیجیں